Maqsad va vazifalar

IRFAN AKADEMIYASI: Asosiy maqsadimiz Milliy va xalqaro ilmiy tadqiqotlar integratsiyasini chuqurlashtirish, sifatli va xolis akademik platforma yaratish orqali olimlar, tadqiqotchilar hamda yosh izlanuvchilarning ilmiy salohiyatini global miqyosda e’tirof etilishini ta’minlash. Asosiy vazifalarimiz * Xalqaro andozalarga mos ilmiy nashriyot faoliyati: Ilmiy jurnallardagi maqolalarni shaffof ko‘rib chiqish (peer-review), xolis taqrizlash hamda jahon nashriyot talablari asosida tahrir qilib borish. * Global indeksatsiya va ochiq ilm-fan (Open Science): Chop etilayotgan maqola va materiallarni nufuzli xalqaro bibliografik bazalarga, raqamli identifikatorlar (DOI/Crossref) hamda ochiq omborlar tizimlariga muntazam integratsiya qilish. * Ilmiy muloqot va hamkorlik platformasini kengaytirish: Dolzarb ilmiy muammolarga bag‘ishlangan nufuzli xalqaro va respublika miqyosidagi ilmiy-amaliy konferensiyalar, simpoziumlar hamda seminarlarni doimiy tashkil etish. * Iqtiboslik darajasi va ko‘rinuvchanlikni oshirish: Tadqiqot natijalarining xalqaro ilmiy hamjamiyat orasida keng tarqalishiga sharoit yaratish orqali mualliflarning xirsh indeksi (h-index) va maqolalarning o‘qiluvchanlik ko‘rsatkichini oshirish. * Yosh olimlar va izlanuvchilarni qo‘llab-quvvatlash: Doktorant, magistr va mustaqil izlanuvchilarga ilmiy maqolalar yozish, ularni xalqaro talablarga moslashtirish hamda ilmiy faoliyatini to‘g‘ri rejalashtirishda metodik ko‘mak berish. * Akademik halollik va axloq mezonlariga rioya etish: Ilmiy ishlarning o‘ziga xosligini ta’minlash, plagiatga qarshi qat’iy nazorat o‘rnatish va ilmiy etika tamoyillarini himoya qilish.